Ek Dharti • Ek Chetna • Ek Manatva

Ram Ram Jai Raja Ram! | Maryada Purushottam

Ram Navami: Ek Shabad, Purn Ithaas

Ram Navami kewal ek tithi ya parv matra nahi hai, yah shabad hi apne mein sampurn itihas ko vyakt karta hai. Aaj se lagbhag 9 lakh varsh purv, isi pavitra din Maryada Purushottam Bhagwan Ram ne Bharat bhumi par avtarit hokar apni adarsh leelao dwara sansaar ko sachchi manavta ka marg dikhaya tha.

Ramayan ki ghatnayein sansaar ki sachchi aur adarsh ghatnayein hain. Aaj jab sansaar mein swarth, lolupta aur pariwarik kalah ne gharon ko narak-kund bana diya hai, tab Ram Navami jaise tyoharon ka mahatva aur badh jata hai. Bhai-bhai, pita-putra aur mitra ke beech ke rishton ko kaise ‘Maryada’ se sinchna hai, ye humein Ram-Charit sikhata hai.

Aaj jab prani apna kartvya bhool raha hai, tab Ram ka adarsh hi shanti ka marg hai.

Ram Navami humara rashtriya aur sanskritik parv hai, jo path-bhrasht manav samaj ke samne sukh evam shanti ke sachche marg ko prastut karne mein samarth hai. Bharat ke pratyek bacche ke hriday mein yadi yah amrit-sagar ghar kar jaye, toh samaj punar-sthapit ho sakta hai.

Maryada Ka Agla Adhyay

Vishesh Chintan:
“Digital Maryada: Kya Hum Chemical Se Pake Hue Phal Ban Rahe Hain?”

Prakashit: 27 March 2026 (Ram Navami Special)