Kartvya Aur Moh Ko Janna Hi Shreshtha Hai – Kabhi Dhyan Nahi Diya

—

by

Gurubhai
in
Guru Gyan Yagya

Ek Dharti • Ek Chetna • Ek Manatva

Jai Jai SiyaRam Ji! | Krishnum Vande Jagatgurum!

Bhag 2: Kartvya Aur Moh Ka Marm

“Kabhi Dhyan Nahi Diya”

Moh aur Kartvya ko janne mein kya dikat hai? Hum sabko lagta hai hum inhe jante hain. Kintu, yah janna nadi ko upar se dekhne ki hi bhati hai. Nadi ko upar se dekhkar uski gehrai ka pata lagana asambhav hota hai, uske liye to sansadhan ke abhav mein khud koodkar hi gehrai ko gyat kiya ja sakta hai.

Gurubhai Ki Seekh: Yadi aapko lagta hai ki Gurubhai yuhi iss vishay par keh rahe hain, toh aage badhne se purav swayam se ek prashan karein ki “Kya maine kabhi iss vishay par dhyan diya?” Uske baad manan karein aur fir aakar Diary ko aage padein.

Thik oosi prakar iss waqt Kartvya aur Moh ka vishay Tarazu par hai. Ek padle mein Moh roopi buddhi ka agyan andhera hai, aur dusare mein Kartvya karm roop buddhi se utpann hota Prakash hai.

Aapke Apne Jeevan Mein Moh Ka Gharauda Bada Hai Ya Kartvya Roopi Karm Ka?
(Kripya Comment Mein Jarur Bataiyega)

Isi marm ko samjhate hue Govind ne Arjun se kaha tha ki jab Kartvya aur Moh ek saath utpann ho, toh Kartvya-parayan banne mein hi shreshtha unnati hai. Geeta ke teesre adhyay (Shlok 22) Ki Golden Line mein Swayam Bhagwan kehte hain:

“Hey Parth! Mujhe teeno loko mein na to kuch kartvya hai aur na hi kuch prapt karne yogya vastu aprapt hai, fir bhi main nirantar kartvya karm mein hi laga rehta hoon.”

Gyan dristi se dekhein toh us “Ek” ki shakti se hi shareer, vriksh aadi paida hote hain aur Vishwatma ki vishv-urja se hi hamara dekhna-sunna hota hai. Parantu manushya Moh ki agyan nisha (night) mein so raha hai.

“Jaago logo mat suvo, na karo neend se pyar.
Jaise supna rain ka, aisa ye sansaar.”
— Sant Kabir

Asliyat Kya Hai? Yadi aapke paas ek car hai, ek makan hai, kintu santushti ke sthan par ek aur nayi gadi ka lalach aapko bhaga raha hai, toh nishchit hi aap jaagte hue bhi so rahe hain. Aap us “Sapne” ke peechhe bhag rahe hain jo rait ki deewar ki tarah dher ho jayega.

Marm Ki Baat: Moh humein “Mera-Tera” mein phasata hai, jabki Kartvya humein “Srijan” aur “Seva” se jodta hai. Isliye jab kabhi jeevan ke mod par mitrata chunni ho, toh Kartvya ko hi apna mitra banaiye.

“Ishtha ki Naigya dharm hai tera, gyaat tu iska marm kiye ja.
Tere liye jo dharm hai nishchit, nishtha se wo karm kiye ja.”

To be continued …

Adhyay 3 ka Vishay:
“Janna aur Maanna: Kya Vakayi Humne Inko Jana?”

Prakashit: 23 March 2026

Vishesh Sochna: Kartvya ka palan hi asli dharm hai. GURUBHAI KI LAB • SHUDDH CHINTAN • SHUDDH CHETNA
Post Views: 5

Comments

Leave a Reply

Your email address will not be published. Required fields are marked *